फालेलुङ, पाँचथर ।
किराँत याक्थुङ चुम्लुङ फालेलुङ गाउँपालिका कार्यसमितिले कक्फेवा तङनाम तथा येलेतङ्बे ५०८५ का अवसरमा प्रकाशित भित्तेपात्रो आज विशेष कार्यक्रमबीच विमोचन गरेको छ।
फालेलुङ वडा नम्बर ७ मा रहेको भवनमा आयोजित उक्त कार्यक्रममा किराँत याक्थुङ चुम्लुङ फालेलुङ गाउँपालिकाका अध्यक्ष सुजन मादेनको अध्यक्षता र किराँत याक्थुङ चुम्लुङ जिल्ला शाखा पाँचथरका अध्यक्ष सुरेन्द्र शिशिर केरुङको प्रमुख आतिथ्यमा भित्तेपात्रो विमोचन गरिएको हो।
कार्यक्रममा प्रमुख अतिथि केरुङ र अतिथिहरू फालेलुङ वडा नम्बर ७ का अध्यक्ष टेकबहादुर केरुङ, किराँत याक्थुङ चुम्लुङ जिल्ला सह–सचिव कुमार यवा मौसम, फालेलुङ वडा नम्बर ३ का अध्यक्ष शक्ति केरुङ लगायतले संयुक्त रूपमा भित्तेपात्रो विमोचन गरेका थिए।
किराँत भाषा, लिपि र संस्कृतिको संरक्षण र प्रवर्द्धनका लागि भित्तेपात्रो प्रकाशन गरिएको कुरा किराँत याक्थुङ चुम्लुङ फालेलुङ गाउँपालिकाका अध्यक्ष सुजन मादेनले बताए।
उक्त भित्तेपात्रोले स्थानिय भाषा र संस्कृतिलाई जगेर्ना गर्न महत्त्वपूर्ण योगदान पु¥याउने विश्वास व्यक्त गरिएको प्रमुख अतिथि केरुङले बताए ।
